Një 46-vjeçar nga Tropoja është arrestuar ditën e sotme nga policia. Ai akuzohet se ka grabitur lekët e një lokali në Zall-Herr në Tiranë.
Ngjarja ka ndodhur në 2 maj të këtij viti, ku personi i arrestuar S. M., ka hyrë natën dhe ka grabitur 1 milion lekë të vjetra nga lokali.
Lokali është në pronësi të shtetases S. Z.
Policia njofton se materialet në ngarkim të tij iu referuan Prokurorisë së Rrethit Gjyqësor Tiranë, për veprën penale “Vjedhja”.
Njoftimi i policisë
Një tjetër i kërkuar bie në prangat e Policisë. Ndalohet një person i shpallur në kërkim për veprën penale “Vjedhja”.
Nga Sektori për Krimet e Hapura pranë Komisariatit të Policisë nr.5 në bashkëpunim me Drejtorinë Vendore të Policisë Shkodër, pas një punë të mirëorganizuar u bë e mundur kapja dhe ndalimi i shtetasit të shpallur në kërkim:
S. M., 46 vjeç, lindur në Tropojë dhe banues në lagjen “Tre Herojntë”, Shkodër.
Për këtë shtetas, Prokuroria kishte lëshuar urdhër ndalimi, pasi dyshohet se në Zall-Herr, Tiranë më datë 02.05.2019 ka vjedhur një sasi prej 100.000 lekësh të reja në lokalin e shtetases S.Z dhe më pas është larguar me mjetin e tij.
