Ditën e djeshme, pamjet e një infermiere që godiste një të moshuar, teksa koleget e saj qeshnin dhe bënin video bënë xhiron e rrjetit.
Ishte aktorja dhe aktivistja Kaltrinë Zeneli ajo që publikoi një video, ku shihej se një infermiere godiste një grua në shtëpinë e të moshuarve “Orenda” në Pejë.
Por Zeneli ka deklaruar se pasi publikoi videon është përballur më një sërë kërcënimesh.
Në një intervistë për mediat në Kosovë ajo është shprehur: “Veç mos të pafsha në rrugë se kam me t’mbyt”.
Sjellim në vëmendje se ngjarja ka ndodhur tek Shtëpia e kujdesit për të moshuarit “Orenda”, ku infermierja Aurona Pelaj dhunonte një të moshuar që vuan nga alzheimer, ndërsa punonjëset e tjera Altina Rexhepi dhe Ramzije Kuqi, buzëqeshnin.
Ndërkohë që pas publikimit të videos Bordi i Qendrës për Përkujdesjen e të moshuarve “Orenda”, ka marrë vendimin për pushimin nga puna për katër infermieret e përfshira në këtë ngjarje që ka tronditur mbarë opinion publik. Ndërkohë, policia arrestoi dy prej infermiereve. Por siç duket kjo ngjarje ka nxehur gjakrat, pasi bashkëshorti i njërës prej infermiereve ka kërcënuar pronarin e kësaj qendre, Anton Rasaj. Pas marrjes në pyetje nga policia, ky shtetas më pas është lënë i lirë.
