Partia Demokratike me anë të një mesazhi, i ka porositur kandidatët të mos përdorin numrin personal gjatë prezantimit apo në posterat e tyre, për zgjedhjet elektorale të 25 prillit. PD-ja iu ka kërkuar kandidatëve për deputetë që posterat t’i publikojnë apo printojnë sipas formatit zyrtar.
Më tej theksohet se nuk do të lejohet asnjë ndryshim. Sipas PD-së, në të gjitha materialet zgjedhore duhet të përdoret vetëm numri 9 pasi vendimi i kryesisë së PDSH dhe Shtabit Qendror të fushatës është imazhi i standardizuar.
Mesazhi i Partisë Demokratike
Te nderuar kandidat/e,
Sikurse iu është dhënë si porosi, kërkohet nga ju që, Posterat duhet t’i publikoni apo printoni siç ju ka ardhur formati zyrtar. Nuk lejohet asnjë ndryshim nga ana juaj. Kush ka bërë ndryshime, duhet t’i hiqni menjëherë (që sot). Përdorimi i numrit tuaj personal nga disa prej jush ka krijuar konfuzion dhe dëmton drejtpërdrejt numrin e të gjithëve që është një dhe vetëm një, 9-PD-AN.Prandaj, të nderuar kandidat/e, votuesin do ta ftojmë të gjithë së bashku të votoj nr. 9. Në të gjitha materialet zgjedhore (postera, bluza, byzylyk, virtual e material) duhet të përdoret vetëm numri 9. Vendimi i kryesisë së PDSH dhe Shtabit Qendror të fushatës është imazhi i standardizuar. Bashkëlidhur po ju ridërgoj imazhin e vetëm për postera dhe cover foto në rrjetet tuaja sociale.
Faleminderit për mirëkuptimin.
