Një ngjarje e çuditshme dhe e pazakontë për një trajner si Mourinho apo një klub si Tottenham ka ndodhur përpara fillimit të sfidës, Shkëndija-Tottenham.
Trajneri Jose Mourinho, ka deklaruar se para ndeshjes që Tottenham fitoi 3-1 ndaj Shkëndijës në Europa League, patur një problem me portat e fushës në stadiumin “Proeski Arena” të Shkupit.
Ka qenë portieri Hugo Loris ai që ka njoftuar Jose Mourinhon për problemin që kishin portat, pasi dukej edhe me sy të lirë që porta ishte më e vogël. Për këtë arsye klubi i Shkëndijës ka tentuar të bëjë një truk për të evituar një humbje të thellë, marifet që është zbuluar nga Jose Mourinho të paktën duke iu referuar mediave angleze.
“Para ndeshjes ishte një situatë qesharake sepse portierët e mi më thanë se portat ishin më të vogla se normalisht. Shkova vetë ti shikoja dhe portat ishin më të vogla. Portierët kalojnë një kohë të madhe aty dhe e kuptojnë kur porta nuk është në dimensionet e duhura. Unë nuk jam një portier, por zgjata duart dhe e kuptova që diçka nuk shkonte.
Ne lajmëruam delgatët e UEFA-s dhe ata konfirmuan se portat ishin 5 cm më të vogla. Më pas ato u zëvendësuan para fillimit të ndeshjes”.
Kjo ngjarje ka bërë jehonë në mediat britanike të cilët nuk i kanë kushtuar fare rëndësi rezultatit përballë Shkëndijës së Tetovës por janë marrë me këtë detaj duke i kushtuar faqen e parë të gazetës.
