Gjykata e Elbasanit ka caktuar burg pa afat për Erion Alibejn, porositësin dhe organizatorin e vrasjeve të Emiljano Ramazanit dhe Regis Runajt, vrasje që ndodhën gjatë muajit korrik në Elbasan.
Nga hetimet e specializuara të policisë, ka rezultuar se shtetasi Erion allias (Andrea) Alibej ka qenë organizatori dhe porositësi i dy vrasjeve të ndodhura më datë 20 korrik në qytetin e Elbasanit, në lagjen “28 Nëntori”, ku u vra me armë zjarri Emiljano Ramazani dhe i vrasjes së ndodhur më datë 29.07.2020, në afërsi të varrezave të qytetit, ku mbeti i vrarë me armë të ftohtë Regis Runaj.
34-vjeçari Alibej u arrestua në kuadër të operacionit policor “Shkumbini”, i cili u zhvillua nga Drejtoria Vendore e Policisë Elbasan, nën drejtimin e Prokurorisë së Rrethit Gjyqësor Elbasan.
