Përmes një statusi në rrjetet sociale, Sekretari amerikan i shtetit, Mike Pompeo ka përshëndetur emërimin në detyrë të Olta Xhaçkës si Ministre e re e Jashtme e Shqipërisë. Pompeo shkruan se Xhaçka ka qënë një partnere e fortë në rolin e saj të mëparshëm si Ministre e Mbrojtjes. Ndërkohë, ai shtoi se kjo lëvizje në qeveri do të zgjeronte lidhjet Shba-Shqipëri dhe vendi ynë të pranohet shumë shpejt në BE.
Reagimi i plotë:
Me kënaqësi të dëgjoj njoftimin e Olta Xhacka si Ministrja e re e Jashtme e Shqipërisë. Ajo ka qenë një partnere e fortë në rolin e saj të mëparshëm si Ministre e Mbrojtjes dhe ne shpresojmë të punojmë me të për të zgjeruar lidhjet SHBA-Shqipëri ndërsa Shqipëria shkon drejt BE.
Olta Xhaçka u në ministre e Jashtme dy ditë më parë, ndërsa Niko Peleshi ministër i Mbrojtjes. Lajmi është bërë i ditur nga kryeministri i vendit, Edi Rama përmes një postimi në Twitter. Ai ka falenderuar Gent Cakajn për punën gjatë kryesimit të OSBE-së, ndërsa vendosi të rikthejë Peleshin në qeveri.
“Pas një periudhe intensive pune në kryesimin e OSBE si edhe punës së madhe me përkushtim e profesionalizëm të Gent Cakajt si ministër në detyrë, ky është momenti për t’ia kaluar bashkarisht stafetën Olta Xhaçkës që të kryejë detyrën e ministres për Europën dhe Punët e Jashtme. Dua ta falenderoj me mirënjohje Gentin jo vetëm për dinjitetin në kryerjen e detyrës së derisotme, po edhe për gatishmërinë e plotë për të vijuar përpjekjen e përbashkët, duke u rikthyer në kabinetin e kryeministrit. Ndërkohë Niko Peleshi do të drejtojë ministrinë e mbrojtjes”, shkruante Rama.
