Autoriteti për Informim mbi Dokumentet e ish-Sigurimit të Shtetit ka bërë të ditur se pasi ka bërë verifikimet përkatëse për një person me iniciale I.M, ka dalë se ai ka qenë bashkëpunëtor i ish-Sigurimit, dhe me rezultatet me materialet përkatëse i janë dërguar Kuvendit.
Ndërkohë që ka ardhur një reagim nga kryetarja e kuvendit, Lindita Nikolla, e cila shprehet se i informoi krerët e grupeve parlamentare në lidhje me dosjen ku përmendet politikanë I.M, i cili thuhet se ka qenë bashkëpunëtor i ish-sigurimit të shtetit.
Gjithashtu Nikolla shtoi se është e gatshme ta mbledhë parlamentin kurdo që partitë politike do të dëshirojnë për të hequr ligjin, që ndalon riverifikimin e zyrtarëve të lartë, ndërsa e konsideroi rastin si tronditës.
“Autoriteti i Dosjeve flet per nje politikan te larte me inicialet I.M që ka rezultuar i përfshirë në aktivitetin e Sigurimit të Shtetit. Autoriteti i Dosjeve ka nisur një letër, ku më vë në jeni përfshirë të këtij politikani dhe kërkon ndërhyrje për veprime. Rasti është tronditës dhe Kuvendi duhet të reagojë patjetër. Ndaj kam thirrur kryetarët e grupeve, kryetaret e komisionit të ligjeve, që i kam informuar mbi letrën e autoritetin. Identitetin e politikanit me inicialet I.M. Dua të falënderoj Autoritetin e Dosjeve për hetimin e pavarur dhe kurajon e adresimit të këtij rasti. Në respekt të ligjit s’mund të flas më shumë në këtë fazë”, deklaroi Nikolla.
