Në tetor të vitit të kaluar u publikuar një superskandal, i cili zbuloi pasurinë dhe marrëveshjet e fshehta të udhëheqësve botërorë, politikanëve dhe miliarderëve në të gjithë botën. Investigimi i bëri nga një grup gazetarësh ndërkombëtarë, nxori zbuluar 35 liderë, të shkuar dhe aktualë, dhe më shumë se 300 zyrtarë që shfaqen në dokumentet në kompani offshore.
Skandali përfshinte edhe një politikan dhe biznesmen shqiptar. Lidhur me çështjen në fjalë, SPAK ka regjistruar një procedim penal, ndërsa ka nisur të hetojë transfertat ‘offshore’ në favor të një kompanie konsulence të regjistruar në Emiratet e Bashkuara Arabe, të cilat u ekspozuan me rrjedhjen e dokumenteve të “Pandora Papers”. Kujtojmë se BIRN publikoi në tetor të vitit 2021, skandalin se si kompania e konsulencës “AL Energy Transmission” përfitoi pagesa prej 3.6 milionë eurosh nga kompania boshnjake ‘Energoinvest’, e cila ndërtoi linjën e interkonjeksionit midis Shqipërisë dhe Kosovës.
Kompania në fjalë është e regjistruar në Emiratet e Bashkuara Arabe dhe drejtohet nga biznesmeni shqiptar, Vasil Kallupi. Dokumentet e regjistrimit të kompanisë, tregon se përfituesi fundor i kësaj kompanie është një grua 40 vjeçare nga Tirana e quajtur Jola Duro. Ndërsa sipas planit të biznesit të kompanisë, të hartuar në shkurt 2013, përpara regjistrimit të saj, Duro listohet si menaxherja e zyrës dhe Kallupi si menaxher projekti.
