Teksa në Tiranë protesta e opozitës kundër qeverisë dhe kryeministrit Rama ka degjeneruar në dhunë, ky i fundit ka vijuar me axhendën e tij duke mbajtur në Vlorë takimin publik me qytetarët të titulluar “Bashkia që duam”.
Në pamjet e bëra publike në Facebook në kanalin e kryeministrit ERTV, shihen imazhet spektakolare të mijëra qytetarëve të ulur në karrige teksa kryeministri mbante fjalim. Me këto imazhe Rama ka reaguar edhe për dhunën në kryeqytet duke shkruar në rrjetet sociale: “Bashkëqeverisja me njerëzit në Vlorë dhe Politika e dalë boje në Tiranë.”
View this post on Instagram
SOT – Bashkëqeverisja me njerëzit në Vlorë dhe Politika e dalë boje në Tiranë
Në imazhin e publikuar nga kryeministri shihen pamjet nga Vlora dhe bashkangjitur, imazhi i Monika Kryemadhit, Lulzim Bashës dhe Sali Berishës në protestë.
Kujtojmë se gjatë ditës së sotme, disa protestues goditën me bomba molotov kryeministrinë dhe tentuan të futeshin në brendësi duke u munduar të shkatërronin dyert.
