Forca të shumta policie kanë zbarkuar në qytetin e Lezhës me urdhër të SPAK, në kuadër të një aksioni anti-drogë.
Aksioni ka nisur që pas mesnatës dhe është goditur një grup kriminal që kultivonte dhe trafikonte lëndë narkotike. Deri tani janë arrestuar disa persona , të cilët akuzohen si pjesëmarrës në grup të strukturuar kriminal, ndërsa janë lëshuar 20 urdhër arreste. Mësohet se bëhet fjalë për një grup kriminal me influencë në qytetin e Lezhës, që kanë qenë prej vitesh të implikuar në trafikun e lëndëve narkotike. Ndërkohë, pritet ende një njoftim zyrtar për arrestimet e kryera. Disa nga të arrestuarit janë Tanush Lekgega, Pashk Lala, Miri Rrapi, Gjin Kola.
Ky është operacioni më i madh që policia ka bërë deri tani në Lezhë me urdhër të Prokurorisë së Posaçme Kundër Korrupsionit dhe Krimit të Organizuar dhe vjen pas vrasjes së efektivit të policisë, Saimir Hoxha disa javë më parë.
Hoxha u vra nga i riu Aldi Rama, teksa me kolegë të tjerë po ktheheshim pasi kishin asgjësuar një parcelë me kanabis. Saimir Hoxha i kërkoi Ramës mjetin e identifikimit, ndërsa ky i fundit nuk refuzoi dhe e qëlloi efektivin me armë zjarri.
Aldi Rama ndërroi jetë një ditë më vonë në Spitalin e Traumës në Tiranë, pasi sipas policisë, u vetëplagos ndërsa ishte i rrethuar nga forcat RENEA.
