Nga pasditja e djeshme në rrugë të ndryshme në qytetin e Beratit janë vendosur postblloqe të shumtë nga policia.
Këto masa janë ndërmarrë pasi synohet kapja e disa personave të ndodhur në kërkim, ulja e kriminalitetit dhe rritja e sigurisë rrugore.
Raportohet se janë kryer kontrolle të imtësishme për drogë e armë në çdo automjet, ndërsa drejtuesit e tyre u janë nënshtruar disa kontrolleve shtesë për të verifikuar nëse janë apo jo persona e shpallur në kërkim.
Në vetëm dy ditë aksion janë kontrolluar rreth 100 automjete dhe janë vendosur 80 masa administrative për ata drejtues mjetesh që kanë rezultuar me mangësi në dokumentacion dhe me shkelje.
Deri më tani nuk është raportuar për arrestime të personave të botës së krimit, teksa bëhet me dije se aksioni do vijojë deri në një njoftim të dytë.
