Policia spanjolle ka shkatërruar një bandë të trafikut të drogës, ku në mesin e të cilëve janë arrestuar 10 shqiptarë.
Mediat spanjolle bëjnë të ditur se autoritetet i ishin vënë pas të rinjve duke i monitoruar prej muajsh.
Në aksionin e ndërmarrë në Alicante, policia bastisi gjashtë banesa dhe u sekuestruan 2000 bimë kanabis dhe 4330 euro që mendohet se janë fituar nga trafiku i drogës.
Sipas policisë, banda vepronte në mënyrë perfekte si një grup i strukturuar si dhe kishin disa banesa dhe objekte industriale të shpërndara në të gjithë provincën e Alicante, të përdorura për kultivimin e lëndëve narkotike.
Të mbjellat e vendosura brenda këtyre ndërtesave kishin një sistem elektrik të sofistikuar të përbërë nga disa transformatorë dhe sisteme drite që favorizonin rritjen e bimëve.
Hetimi u krye nga agjentë të grupit të narkotikëve të Brigadës së Policisë Gjyqësore të Komisariatit të Policisë Elçe.
Sipas Policisë së Spanjës, të gjithë të arrestuarit kishin ngritur një grup të mirëstrukturuar kriminal, dhe kishin ndërtuar aktivitetin e tyre kriminal në një park për riparimin e anijeve në periferi të Alikantes. Përveç kanabisit, janë sekuestruar edhe 4000 euro cash dhe disa materiale që lidheshin me kultivimin e lëndës narkotike.
Për kultivimin e bimës shqiptarët kishin ndërtuar një sistem të sofistikuar elektrik, me disa transformatorë që furnizonin me energji, por kishin kryer edhe lidhje të paligjshme të energjisë elektrike, duke vënë në rrezik edhe godinën ku kryenin aktivitetin por edhe godinat përreth.
