Një tjetër afro-amerikan është vrarë nga policia e SHBA-së, duke bërë që në disa qytete të shpërthejë mllefi dhe urrejtja ndaj efektivëve dhe oficerëve të policisë.
Gjatë ditës së sotme ngjarja ka ndodhur në qytetin e Ohios, ku efektivët kanë qëlluar për vdekje një 47 vjeçar afro-amerikan i cili ishte në afërsi të shtëpisë së tij.
Ngjarja është filmuar edhe nga kamerat, ku shihet se si afro-amerikani Andre Maurice Hill, qëllohet pa paralajmërim duke biseduar me policët.
Kujtojmë se vrasja e afro-amerikanit George Floyd para disa javësh nga efektivët shkaktoi protesta të mëdha në SHBA, ku miliona qytetarë vërshuan rrugëve të qyteteve amerikane dhe shkatërruan komisariatet e policies në shenje revolte ndaj diskriminimit dhe represionit policor.
Protestat kundër racizmit në SHBA, filluan pasi afro-amerikani George Floyd humbi jetën si pasojë e dhunës policore. Këto protesta u përhapën në mbarë vendin për disa javë rresht, nën moton “Black Lives Matter”.
Në Minneapolis ku afro-amerikani Floyd u vra nga policia, u mbajtën ceremoni përkujtimore, ndërsa në shumë rajone të tjera kryesisht në New York dhe Washington vazhduan protestat.
Protestuesit në Harlem në New York, morën pjesë në protesta me kostume dhe pankarta, me qëllimin për të respektuar afro-amerikanin e ndjerë të vrarë nga vetë policia pa asnjë arsye, George Floyd./Gazetareforma.com/
