Sulmet represive të Policisë së Shtetit ndaj atyre që ushtrojnë detyrën në terren edhe kur ata janë punonjës të medias, është gjithsesi intensiv.
Gjatë orëve të protestës është shoqëruar nga policia kryeredaktori i gazetës “Koha Jonë”.
Kështu deklaron botuesi Nikoll Lesi, i cili tha se kryeredaktori është marrë me forcë nga forcat speciale të policisë.
Ai deklaron më tej se ka folur me drejtorin e Përgjithshëm të Policisë së Shtetit Ardi Veliu dhe i është thënë se ka qenë një gabim.
“Forcat speciale morën me forcë kryeredaktorin te rrugica e redaksisë. Fola me drejtorin e përgjithshëm të policisë Ardi Veliu, më tha se është gabim dhe po e lëshojnë”, është shprehur Lesi.
Protestuesit janë shpërndarë mbrëmjen e sotme në të gjitha rrugët e kryeqytetit, kryesisht në qendër, teksa policia iu ka shkuar nga pas dhe ka pasur dhjetëra shoqërime.
/GazetaReforma.com/
