Mbrëmjen e së premtes (3 shkurt) policia e tiranës me urdhër të prokurorisë së Tiranës ka arrestuar ish-zyrtaren e lartë të kabinetit të ish zëvendës kryeministrit Arben Ahmetaj, Alda Klosin. Kjo e fundit u fundos nga një dëshmi e pastrueses të cilën ao vetë e akuzoi për vjedhje.
Zyrtarisht sipas Policisë së Tiranës Alda Klosi është e dyshuar për veprat penale; “Refuzim për deklarim, mos deklarim, fshehjen ose deklarim i rremë i pasurive, interesave private të personave të zgjedhur e nënpunësve publik, ose i çdo personi tjetër që ka detyrimin ligjor për deklarim”, “Pastrimi i produkteve të veprës penale ose të veprimtarisë kriminale” dhe “Deklarata e rreme përpara oficerit të policisë gjyqësore”.
NJOFTIMI I POLICISE
Specialistët e Seksionit për Hetimin e Pastrimit të Parave dhe Asetet Kriminale ekzekutuan urdhrin e Prokurorisë së Rrethit Gjyqësor Tiranë dhe ndaluan shtetasen A. K. (Ç)., 41 vjeçe, banuese në Tiranë, e dyshuar për veprat penale “Refuzim për deklarim, mos deklarim, fshehjen ose deklarim i rremë i pasurive, interesave private të personave të zgjedhur e nënpunësve publik, ose i çdo personi tjetër që ka detyrimin ligjor për deklarim”, “Pastrimi i produkteve të veprës penale ose të veprimatrisë kiminale” dhe “Deklarata e rreme përpara oficerit të policisë gjyqësore”.
“Homeland Justice” hakeron Postën Shqiptare: “Shërbëtorë dhe skllevër të paguar për terroristët e Kampit Ashraf 3”
Grupi i hakerëve “Homeland Justice” ka deklaruar se ka ndërmarrë një tjetër sulm kibernetik në Shqipëri, këtë herë duke shënjestruar...
