Një 52-vjeçar shqiptar u arrestua ditën e djeshme nga policia e Tiranës. Bilbil Elezaj ishte shpallur në kërkim nga policia italiane, ku madje ishte dënuar edhe me 5 vite burg nga gjykata e Bolonjës.
E ndërsa sot janë zbardhur detaje të reja nga arrestimi dhe akuzat që rëndojnë mbi 52-vjeçarin.
Autoritetet gjyqësore në Bolonja të Italisë e kanë dënuar me 5 vjet burg për veprën penale “Kanosja me anë të shtrëngimit për dhënie pasurie”, parashikuar nga neni 110 i Kodit Penal italian.
Bilbil Elezaj, në janar të vitit 2015 u zbulua pas operacionit më të madh antimafioz të regjistruar ndonjëherë në Emilia Romagna të Italisë.
Proces i quajtur “Aemilia” pati të pandehur 218 persona, mes tyre edhe shqiptarin Elezaj. Ai u shpall fajtor në Gjykatën e Shkallës së Parë për veprën penale të zhvatjes së shumëfishtë dhe u kërkua të dënohej me 9 vite burg, por si përfundim u dënua me vetëm 5 vite burg.
Sipas raportimit të medieve italiane, ai ishte shoferi i besuar i shoqërisë ku punonte dhe merrej direkt me kanosje dhe mbledhjen e parave.
Policia italiane mbante në vëzhgim gruan e 52-vjeçarit, ku po pikasnin edhe lëvizjet dhe udhëtimet e pazakonta drejt Shqipërisë.
Gjithashtu policia ka zbuluar edhe dy banesa ne Tiranë, ku takohej cifti
