Gjatë muajit nëntor, Policia e Shtetit finalizoi 73 operacione në nivel kombëtar dhe ndërkombëtar, duke arrestuar 568 persona për vepra penale të ndryshme.
U sekuestruan mbi 127 kg kanabis, 6.1 kg kokainë, fidanë narkotikë, armë zjarri, 1.8 milionë euro dhe prona me burime të dyshimta.
Strukturat e policisë parandaluan ngjarje kriminale, zbardhën një vrasje dhe një seri vjedhjesh, si dhe goditën kontrabandën, trafikimin e narkotikëve dhe lojërat e fatit të paligjshme.
Policia Kufitare ndaloi disa raste të kalimit të paligjshëm të kufijve dhe trafikimit të parave.
Në qarkullimin rrugor, janë arrestuar 219 drejtues mjetesh dhe janë vendosur mijëra gjoba për shkelje të normave të qarkullimit.
Policia e Shtetit mbetet e angazhuar në luftën kundër krimit dhe garantimin e sigurisë publike.
