Ditën e sotme një kontroll i Policisë së Shtetit në kapin e MEK në Manëz të Durrësit është shoqëruar me tensione, të plagosur dhe viktima. Teksa fillimisht u tha se një prej kampit të MEK kishte mbetur viktimë, policia e përgënjeshtroi këtë lajm. Ndërkohë që faktet thonë të kundërtën pasi nga pamjet e siguruara nga Vox.al shihet qartë brenda spitalit të muxhahedinëve një viktimë.
“Sot në mëngjes u përballëm me një grup të madh të policisë shqiptare. Ata u përhapën në gjithë zonat e banimit, bënë presion te banorët dhe tentuan të marrin kompjuterët. Ata kanë përdorur këtë spraj me piper te njerëzit në mënyrë që t’i ndalonin për të bërë atë që po bënin, i dëmtuan dhe një prej njerëzve tanë ka vdekur për shkak të lëndës neutralizuese me piper. Banorët kanë pasur probleme me sistemin e frymëmarrjes. Në fakt, më shumë se 200 njerëz, gra dhe burra kanë mbetur të plagosur rëndë. Njëri papritur vdiq për shkak të problemeve të rënda me oksigjenin. 3 të lënduar rëndë i dërguam në një spital tjetër,” – u shpreh mjeku.
Prej mëngjesit të sotëm (20 qeshor) forca të shumta të Policisë së Shtetit, përfshirë edhe forcat RENEA kanë zbarkuar në një megaoperacion në kampin MEK në Durrës, për të ushtruar kontrolle në të gjitha ambientet dhe zyrat ku janë strehuar aktivistë të opozitës iraniane.
