Autoritetet e Kosovës kanë realizuar një aksion në Zveçan, ku kanë sekuestruar një sërë armësh dhe municionesh të paligjshme.
Gjatë operacionit, Policia ka gjetur uniforma ushtarake, armë automatike AK47, granata dore, fishekë dhe veshje ushtarake të tjera të groposura në dhe.
Njësitë e Policisë, duke përfshirë DRP Mitrovicë Veri dhe Njësinë për Trajtimin e Mjeteve Eksplozive, sekuestruan gjithsej 4 granata M75, dy pushkë automatike AK47, 6 karikatorë me municion, 156 fishekë të AK47, 179 fishekë të M48, si dhe veshje dhe pajisje ushtarake të tjera, përfshirë antiplumb dhe maska gazi.
Aksioni është pjesë e përpjekjeve për të frenuar aktivitetet e paligjshme dhe për të siguruar rendin dhe sigurinë në rajon.
