Një ngjarje e rëndë tronditi disa ditë më parë Greqinë. Ku disa grabitës mbytën një 20-vjeçare me shtetësi Britanike. Bashkëshorti i 20-vjen një 20-vjeçare me shtetësi Britanike. Bashkëshorti i 20-vjeçares që u vra nga grabitësit ka folur sërish për mediat vendase. 32-vjeçari ka treguar se e ka kuptuar që bashkëshortja e tij ka ndërruar jetë vetëm në momentin që ka ardhur policia. Haralambos Anagnostopoulos në fjalën e tij ndër të tjera ka pohuar se ai është ende në gjendje shoku, nga ngjarja e rëndë që ka ndodhur dhe se mban ende kontakt me policinë.
Siç tha ai, policia është në kontakt të vazhdueshëm me të, dhe për 24 orët e kaluara ai ka ndihmuar për të zbuluar vrasësit. Ndërsa për foshnjën e tyre, vetëm 11 muajshe ka thënë se fatmirësisht është në gjendje të mirë shëndetësore.
“E kuptova që gruaja ime kishte vdekur kur policia erdhi dhe më la të lirë. Vajza për fat të mirë nuk ka asnjë problem. Është dërguar në spital vetëm për kontroll. Tronditja nuk ka kaluar. Policia është vazhdimisht në kontakt me mua. Madje i riu në një moment nuk e ka përmbajtur veten dhe është përlotur para kamerave.”, ka thënë piloti 32-vjeçar.
Por ku po kërkojnë autoritetet autorët?
Sipas CNN grek i cili raporton se hetimet janë përqëndruar në mafian shqiptare dhe atë gjeorgjiane. Autorët mund të kenë besuar se kishin planifikuar hollësitë më të vogla të sulmit të tyre vdekjeprurës, por bënë gabime dhe teknologjia do të zbulojë identitetin e tyre. Gjithashtu është e sigurtë se zgjedhja e banesës për t’u grabitur nuk është rastësore, pasi duket sikur e dinin që kishin para në shtëpi. Vetë bashkëshorti pranoi se së fundmi kishte blerë një tokë dhe do të fillonin ndërtimin e banesës së re, kështu që kishin para në shtëpi.
Ngjarja e rëndë ka ndodhur në Greqi pak ditë më parë, ku katër persona të cilët shkuan për të grabitur një shtëpi në Greqi, përfunduan duke vrarë një 20-vjeçare, qenin, dhe torturuar bashkëshortin e saj. Gruaja 20-vjeçare u gjet e vrarë, në papafingo të shtëpisë, pranë krevatit të fëmijës së saj 11 muajsh, ndërsa burri i saj 32 vjeç ishte i lidhur në një karrige në dhomën e gjumit. Ishte ai që njoftoi Policinë duke i rënë telefonit me hundë, por bashkëshortja kishtë ndërruar jetë prej kohës. Pranë saj ndodhej foshnja, që fatmirësisht është në gjendje të mirë.
