Ekipi i Barcelonës nuk është duke kaluar aspak një memonet të mirë, pasi veç problemeve në fushën e lojës katalanasit po përballen edhe me problemet me ligjin. Policia katalanase ka kontrolluar zyrat e blaugranasve këtë mëngjes, dhe një gjë të tillë e ka konfirmuar edhe vetë klubi i futbollit.
Mediat spanjolle shkruajnëse kërkimi lidhej me skandalin e vitit të kaluar “Barçagate”, në të cilin figura të larta në klub u akuzuan për urdhërimin e fushatave të mediave sociale kundër armiqve. Në mediat lokale është raportuar gjithashtu se se ish-presidenti i klubit të Barcelonës Josep Maria Bartomeu dhe shefi ekzekutiv aktual Oscar Grau u arrestuan.
Policia më parë vizitoi shtëpinë e FC Barcelona, stadiumin Camp Nou, në verën e vitit 2020 për të mbledhur prova për një hetim mbi “Barçagate”. Bartomeu ka mohuar më parë përfshirjen në skandal. Një auditim i jashtëm gjithashtu e pastroi bordin e tij që ishte prapa skemës. Ai dha dorëheqjen më vonë në vitin 2020, pasi kapiteni Lionel Messi kërkoi të largohej nga klubi.
Pavarësisht se u emërua klubi më i pasur në botë nga të ardhurat, Barcelona është në ankth financiar, me borxhe që besohet se tejkalojnë 1 miliardë euro. Kërkimi i sotëm i policisë vjen vetëm disa ditë para zgjedhjeve presidenciale të klubit që drejtohet nga anëtarët këtë fundjavë.
