Arrestimet nuk kanë përfunduar ende nga ana e policisë për protestën e djeshme. Disa aksione “blic” janë organizuar gjatë natës për të arrestuar personat që kanë kryer aktet e dhunës gjatë ditës së djeshme në protestën e opozitës.
Janë kryer kontrolle të befasishme në disa nga banesat e personave të dyshuar prej nga, ashtu siç është lajmëruar, janë shoqëruar edhe 20 të tjerë, pra konkretisht numri ka shkuar në 40 deri në këto momente.
Policia ka kryer shoqërime në disa nga qytetet e vendit të tilla si Fieri dhe Durrësi, mirëpo ende nuk ka një raport të saktë të personave të shoqëruar me ata të arrestuar.
Gjithsesi jemi në pritje të një deklarate publike që jep shifra të qarta.
