Një ngjarje e rëndë ka ndodhur para tre ditësh në një fshat të Fierit, ku një 49-vjeçare humbi jetën si pasojë e një aksidenti.
Në media lajmi u publikua si aksident ku 49-vjeçarja u tha se vetëm ishte plagosur, por ish-kryeministri Sali Berisha ka reaguar nëpërmjet një postimi në rrjetin social Facebook, ku shprehet se viktima është përplasur për vdekje nga makina që drejtohej nga një punonjës i policisë.
Në denoncimin e publikuar nga Berisha, qytetari shprehet se personi përgjegjës ka tentuar të largohet nga vendngjarja pa njoftuar as ambulancën.
Denoncimi i plotë i ish-kryeministrit Sali Berisha:
Narkopolici i dehur shtyp per vdekje qytetaren, njoftimi jepet se “eshte jashte rreziku per jeten”.
Lexoni denoncim e qytetarit dixhital! sb
Doktor pershendetje! Para tre ditesh nje polic perplasi nje zonje ne nje fshat te Fierit, duke e lene te vdekur ne vend. Zonja quhet Sadete Bregaj, 49 vjec. Ndersa te afermit e therristin Miftime, por di qe ne gjendjen civile njihet me emrin e pare.Polici ne ata moment ka qene nen efektin e alkoolit dhe ka tentuar te largohet menjehere nga vendngjarja, madje nuk ka njoftuar as ambulancen, duke e lene zonjen te dergjej. Ne media lajmi eshte perhapur se” Nje zonje eshte perplasur nga makina por fatmiresisht ndodhet jashte rrezikut per jeten”, do doja te kishte nje hetim mbi kete ngjarje. Faleminderit!
