Një çift shqiptarësh janë arrestuar nga doganierët e Dax në Francë, pasi këta të fundit kanë zbuluar se çifti po transportonin një shumë të konsiderueshme eurosh pa deklaruar. Ndalimi ka ndodhur në autostradën A63, ku mjeti i çiftit shqiptar u ndalua për kontrolle rutinë.
Pasi shqiptarët shprehen se udhëtonin për fundjavë nga Gjermania për në Madrid të Spanjës, mjeti i tyre është nënshtruar një kontrolli të thelluar me ndihmën e një qeni nuhatës. Gjatë këtij kontrolli është zbuluar një pjesë metalike e prerë në bagazhin e mjetit.
Në vijim të kontrolleve, u zbulua një vend i fshehtë brenda pjesës metalike, ku janë gjetur 340 mijë euro cash, të cilat ishin të prerura në kupura 20 dhe 50 euro. Me dyshime se kjo shumë e madhe parash mund të ketë lidhje me aktivitete të paligjshme, autoritetet kanë arrestuar dy shqiptarët, ndërsa hetimet vijojnë nga sektori kundër narkotikëve i policisë gjyqësore të Bayonne.
Top of Form
