Ditën e sotme është marrë vendimi “Arrest me burg” nga gjykata e Fierit për autorin e vrasjes makabre të 8-vjeçarit në Fier, Klodian Çalamanit.
Që në mëngjes ka pasur përplasje mes familjarëve të Mateos dhe qytetarëve të tjerë me policinë, pasi kanë tentuar futen brenda gjykatës, duke menduar se autori është aty.
Avokati Ermal Hamataj ka foluar në emisionin ‘Me Zemër të Hapur” për vrasjen e 8-vjeçarit Mateo Vasiu. Avokati ka treguar detaje të tjera tronditëse nga dëshmia e autorit të vrasjes, i cili ka thënë se nuk ka pasur benzinë, pasi do ta kishte djegur, për të mos e gjetur kurrë trupin.
Ai gjithashtu u shpreh se një tjetër avokat është caktuar për 38-vjeçarin, Klodian Çalamani.
Gjithashtu avokati e konsideron si një zgjidhje të mirë msoprezencën e autorit në gjykatë pasi sipas tij ka shmangur një situatë të paimagjinueshme.
“Ka disa të dhëna që kanë dalë nga grupi i hetimit. Mësohet se ai ka thënë se nuk kisha benzinë se po të kisha benzinë ju nuk kishit për ta gjetur kurrë djalin. Dua të them se gjykata e Fierit ka caktuar “arrest me burg”, por kjo masë sigurie ndryshe nga çdo masë tjetër u bë në mungesë të autorit. Është caktuar një avokat tjetër për çështjen e Klodian Çalamani. Besoj se kjo ka qenë zgjedhja më e mirë nga situata e Prokurorisë dhe policisë pasi do të kishim një situatë të paimagjinueshme nëse do të paraqitej në gjykatë”, ka thënë më tej ai.
