Tre zjarrfikës janë asfiksuar nga tymi teksa po luftonin me flakët në malin e Dukatit, ku prej tre ditësh vazhdon një zjarr i fuqishëm që ende nuk është vënë nën kontroll.
Ata janë dërguar me urgjencë në spital dhe ndodhen jashtë rrezikut për jetën.
Zjarri ka përfshirë një zonë të gjerë pyjore dhe përhapet me shpejtësi për shkak të erës së fortë dhe terrenit të thyer.
Në vendngjarje ndodhen forcat zjarrfikëse dhe trupa të ushtrisë, ndërsa autoritetet monitorojnë nga afër situatën dhe u bëjnë apel banorëve të shmangin qëndrimin në zonat e rrezikuara.
