Policia e Lezhës ka arrestuar dy persona, teksa akuzohen për veprat penale “Mbajtja pa leje e armëve dhe e municionit” dhe “Moskallëzimi i krimit”. Të prangosurit kishin në bagazhin e automjetit të tyre tip “Range Rover” kallashnikov.
Ndërkohë policia veç automjetit, ka sekuestruar kallashnikov, municion luftarak dhe 2 aparate celularë. Personat e vënën në pranga janë shtetasit me iniciale A.Sh., 37 vjeç dhe A.V.,27 vjeç, banues në Malësi të Madhe, të dy të dënuar më parë për trafikim të lëndëve narkotike.
Njoftimi i policisë:
Bazuar dhe në informacionet e marra në rrugë operative, për një shtetas që qarkullonte me armë zjarri në automjet është organizuar dhe finalizuar operacioni policor i koduar “Mesnata”, në kuadër të të cilit në vendin e quajtur “Rrethrrotullimi i Shëngjinit”, është lokalizuar dhe ndaluar mjeti i dyshuar.
Gjatë kontrollit të ushtruar në automjetin tip “Range Rover”, me drejtues shtetasin A.Sh., dhe pasagjer shtetasin A.V., në bagazhin e këtij automjeti është gjetur një armë zjarri automatik me krehër me fishekë, të cilat u sekuestruan në cilësinë e provës materiale, së bashku me automjetin.
Gjithashtu u bë arrestimi në flagrancë i shtetasve A.Sh., 37 vjeç dhe A.V.,27 vjeç, banues në Malësi të Madhe, të dy të dënuar më parë për trafikim të lëndëve narkotike.
Materialet i kaluan Prokurorisë së Rrethit Gjyqësor Lezhë, për veprime të mëtejshme, për veprat penale “Mbajtja pa leje e armëve dhe e municionit” dhe “Moskallëzimi i krimit”.
