Taulant Balla ka hedhur dyshime se Partia Demokratike, po përgatitet për të mos njohur rezultatin e zgjedhjeve që do të zhvillohen më 25 prill. Pas takimit me ambasadorin italian, Balla u shpreh se zgjedhjet do të jenë të qeta dhe brenda standardeve që janë caktuar.
“PD të heqë dorë nga të shkruarit e raportit për mos njohje të zgjedhjeve. Zgjedhjet do të jenë të lira demokratike. Më shumë sesa rezultati, Shqipërisë i interesin standardi, sepse kjo lidhet me procesin e integrimit. Ne presim që sapo të mbyllim zgjedhjet të njoftohet data për mbajtën e konferencës së parë ndërqeveritare”, tha Balla. Gjithashtu Balla ka komentuar edhe ftesën e Ramës që i bëri ftesë Bashës për bashkëpunimin, por që kishte një kusht. “Pa ujkun dhe pa çakallin”, tha shkurt Balla. Ndërsa për Bashën u shpreh: “Për fat të keq nëse nuk heq dorë është kukulla në duart e Metës dhe Saliut që nuk merr vendimet me mendjen e vetë. Dëshira jonë e madhe është të shkëputet nga këta të dy dhe të fitojë lirinë e vet.”
Ndërsa i pyetur nëse PS do të pranojë humbjen, Balla deklaroi se “PS do të fitojë zgjedhjet dhe do të respektojë çdo vullnet të popullit”. Kandidati për deputet në Partinë Socialiste në Qarkun e Elbasanit, Taulant Balla i ka bërë thirrje qytetarëve që të votojnë më 25 prill Partinë Socialiste. Balla iu ka bërë thirrje qytetarëve që mos ta çojnë votën në drejtimin e gabuar, por të votojnë për interesin e Shqipërisë. Numri dy i PS-së iu është drejtuar edhe demokratëve të zonës, duke iu bërë thirrje që të votojnë kryeministrin Edi Rama.
“Sot PD bashke drejtohet nga Sali Berisha dhe Ilir Meta. Luli është kot. A mund ta imagjinosh sot që vota juaj të shkojë në drejtimin e gabuar? Të jetë një votë kundër Edi Ramës sot, është të jetë një votë kundër interesave të Shqipërisë. Reforma në drejtësi është thelbi i gjithçkaje”, tha Balla.
Më tej Balla theksoi Elbasani ka nevojë që të vijojnë investimet, ndërsa shtoi se: “Edi Ramës ia kemi të gjithë një borxh dhe unë mendoj që nga unë i pari dhe deri tek të gjithë ia kemi detyrimin që kësaj radhe t’ia japim mandatin nga Elbasani”.
Balla gjithashtu e ka quajtur një planë serioz dhe real atë që ka qeveria për qytetin e Elbasanit, ai ka thënë gjithashtu se zgjedhjet e 25 prillit janë përcaktuese për vendin tonë.
“Ndaj njerëzit duhet të kuptojnë se çfarë oferte kemi përpara. Kemi ofertën e Edi Ramës i cili na ka garantuar që po fitojmë betejën me pandeminë, me rindërtimin, për ekonominë. Hapja e plotë që do të bëjmë në fund të majit do të na garantojë një numër të madh turistësh. Këto do të na sjellin më shumë të ardhura dhe të ardhurat do i investojmë në kanalizime, rrugë, ndriçim, në rrjetin e shpërndarjes së energjisë elektrike.
