Ambasadorja amerikane në Shqipëri, Yuri Kim, ka konfirmuar atë çfarë tha kryekomisioneri Ilirjan Celibashi, që SHBA dhe ndërkombëtarët po monitorojnë çdo lëvizje të partive politike dhe KQZ-së. Sapo ka mbaruar konferenca për shtyp, ambasadorja Kim ka përcjellë një mesazh, duke u shprehur se kishte ndjekur gjithçka në kohë reale.
LEXO EDHE: Celibashi tregon çfarë ka komunikuar me kompaninë sllovene: Nuk ka asnjë problem!
“Sapo pashë konferencën për shtyp të Ilirjan Celibashit. Është shumë mirë të dëgjosh që formati i fletëve të votimit është rënë dakord në mënyrë që ato të shtypen në kohë për zgjedhjet e 25 prillit. Ne fuqimisht mbështesim KQZ në përpjekjet për të siguruar që rregullat dhe kushtet e zgjedhjeve të jenë të drejta, në kohë dhe transparente”, shkruan ambasadorja amerikane në Shqipëri, Kim.
Just watched press conference of @ICelibashi – very good to hear that format of ballot sheets has been agreed so they can be printed in time for 4/25 elections. We strongly support @KQZShqiperi efforts to ensure that the rules & terms of elections are fair, timely & transparent.
— U.S. Ambassador to Albania (@USAmbAlbania) April 5, 2021
Prej muajsh, ambasadorja Kim është kthyer në zërin më të fortë dhe apelues për zgjedhje të drejta e të ndershme, duke përmendur me emra dhe kandidatë që sipas saj nuk duhet të marrin pjesë në proces për shkak të kaluarës së tyre.
Ndërkohë që herë pas herë bën thirrje edhe për forcat politike që të mbajnë duart larg nga prekja e votave dhe kutive, duke paralajmëruar se me 25 prill do të jetë vetë në terren. Thirrjeve të saj së fundmi i është bashkuar edhe ambasadori britanik, Duncan Norman.
