Një vajzë 4-vjeçare është transportuar në gjendje të rëndë shëndetësore në QSUT, pasi ka pësuar djegie të shkallës së lartë në banesën e prindërve të saj duke u vetëdjegur me ujë të nxehtë.
Ngjarja ka qenë një incident kur prindërit e saj nuk kishin qenë në shtëpi. Babai i vajzës 4-vjeçare e cila është në gjendje të rëndë, i ka bërë thirrje urgjente kryeministrit Edi Rama, pasi ai nuk ka mundësi t’i blejë ilaçet vogëlushes.
Pëllumb Kurti i dëshpëruar dhe me shpresë se dikush do ta dëgjojë, me lot në sy thotë se do që vajza e tij të shërohet sa më parë. Ai thotë se vjen nga fshati Shushicë i Elbasanit.
Babi i 4-vjeçares shprehet:
“Unë nuk kam të ardhura. I bëj thirrje kryeministrit sa më shpejt, se po më vdes fëmija në spital. Doktoresha ma dha recetën më tha ik, dhe tha nuk ka mundësi ku t’i gjej.
Ajo po përpiqet jashtë mase por nuk është faji i saj. Por fëmija po nuk mori këto ilaçe, bëjnë 600 mijë lekë.
Fëmija u dogj me ujë të nxehtë. Unë jam Pëllumb Kurti. Vajza ime është Bukurie Kurti. Dua të më shërohet sa më shpejt fëmija. Vijmë nga Elbasani”.
