Një shqiptar ka përfunduar në pranga pasi para 15 ditësh arriti t’i shpëtonte aksionit të policisë për të pikasur një bandë të trafikut të drogës dhe armëve.
Mësohet se shqiptari është arrestuar ditën e sotme në Brindisi, ndërsa ishte gati të hipte në një traget për të mbërritur në Shqipëri.
Dy shqiptarë të tjerë janë ende në kërkim që nga data 19 korrik, pas ekzekutimit të operacionit të koduar “Tuneli”.
Shqiptari i arrestuar sot është 30-vjeçari Klajdi Kaca, mbi të cilin rëndojnë akuzat e trafikut të drogës, pjesëmarrje në aktivitete kriminale dhe armëmbajtje pa leje.
30-vjeçari është transferuar në burgun e Brindizit, ku do të mbahet në vëzhgim derisa të jepet edhe masa në procesin gjyqësor që do të zhvillohet.
