Policia e Shkodrës ka vënë në pranga një shtetas 45-vjeçar, Mësohet se ky I fundit akuzohet se ka drejtuar në gjendje të dehur një mjet autoambulancë. Ndërsa po drejtonte mjetin, shoferi 45-vjeçar tashmë I arrestuar, ka humbur kontrollin dhe si pasojë është përplasur me dy mjete të tjera duke shkaktuar aksident.
Ndërkohë sipas njoftimit të policisë, gjatë kryerjes së alkooltestit, drejtuesi i autoambulancës shtetasi me iniciale P. M., rezultoi në gjendje të dehur në masën 0.95 mg/l. Nga informacionet paraprake nuk janë regjistruar viktima, por vetëm dëme materiale. Materialet i kaluan Prokurorisë, për veprime të mëtejshme procedurale, për veprën penale “Drejtimi i automjetit në mënyrë të parregullt”.
Njoftimi i policisë:
Shkodër. Drejtonte autoambulancën në gjendje të dehur, vihet në pranga 45-vjeçari.
Specialistët e Trafikut Urban dhe Interurban pranë DVP Shkodër bënë arrestimin në flagrancë të shtetasit P. M., 45 vjeç, banues në lagjen “Vasil Shanto”, Shkodër, pasi në vendin e quajtur “Sheshi Rusit’’, në lagjen Partizani, Shkodër, duke drejtuar një mjet autoambulancë ka humbur kontrollin dhe si pasojë është përplasur me dy mjete të tjera, duke shkaktuar vetëm dëme materiale.
Gjatë kryerjes së alkooltestit, drejtuesi i autoambulancës, shtetasi P. M., rezultoi në gjendje të dehur, në masën 0.95 mg/l.
Materialet i kaluan Prokurorisë, për veprime të mëtejshme procedurale, për veprën penale “Drejtimi i automjetit në mënyrë të parregullt”.
