Policia ka arrestuar në flagrancë dy persona për ndotje ajri.
Në pranga kanë rënë Sh.T., 57 vjeç dhe S.Z., 65 vjeç, si dhe është proceduar Sh.Sh., 45 vjeç.
Një ditë më parë këta persona po digjnin në një gropë gëlqereje mbetje të ndryshme, duke lëshuar tym dhe e gazra, të dëmshme për shëndetin e qytetarëve.
Materialet proceduriale i kaluan Prokurorisë së Krujës për veprime të mëtjeshme.
Njoftimi i policisë
Krujë
Vijon puna për evidentimin dhe ndëshkimin e personave që kryejnë ndotje të ajrit, me pasoja për shëndetin e qytetarëve.
Arrestohen në flagrancë 2 shtetas, për veprën penale “Ndotja e ajrit”.
Si dhe procedohet në gjendje të lirë 1 tjetër.
Specialistët për Hetimin e Krimeve në Komisariatin e Policisë Krujë arrestuan në flagrancë shtetasit:
Sh. T., 57 vjeç dhe S. Z., 65 vjeç, banues në Kameras, Fushë Krujë, si dhe proceduan në gjendje të lirë shtetasin Sh. Sh., 45 vjeç, banues në Krujë.
Këta shtetas, më datë 04.03.2020, në Krastë, Krujë, në një gropë gëlqereje po digjnin mbetje të ndryshme, duke shkaktuar tym e gazra dhe arome të rëndë, të dëmshme për shëndetin e qytetarëve.
Materialet i kaluan Prokurorisë së Rrethit Gjyqësor Krujë, për veprime të mëtejshme.
