Gjykata e Posaçme ka shtyrë për në datën 24 qershor seancën gjyqësore ndaj të pandehurve në çështjen “Plumbi i Artë”, për shkak të mungesës së disa avokatëve mbrojtës.
Kjo mungesë la një pjesë të të akuzuarve pa përfaqësim ligjor, duke penguar vijimin e procesit sipas standardeve procedurale.
Në këtë seancë ishte parashikuar të vijonte dëshmia e Erion Alibejt, bashkëpunëtor i drejtësisë në këtë dosje, i cili tashmë ka përfunduar dhënien e deklarimeve para prokurorëve të SPAK.
Në seancën e ardhshme pritet që ai të përballet me pyetjet e avokatëve të të pandehurve.
Procesi do të rinisë më 24 qershor, në një seancë ku prania e mbrojtjes konsiderohet thelbësore për zhvillimin normal të gjykimit.
