Pasditen e sotme një sherr mes fqinjëve në Tiranë ka përfunduar me plagosjen e njërit prej tyre më thikë.
Theksojmë se ngjarja ka ndodhur pak minuta më parë në zonën e Don Bosko, ndërsa sipas informacioneve të para thuhet se shkak për këtë sherr është bërë një rubinet uji.
Policia bën me dije se në rrugën “Kastriotët”, gjatë një konflikti për motive të dobëta, shtetasi B. I., 30 vjeç, ka goditur me mjet prerës shtetasin G. F., 23 vjeç. Si pasojë 23-vjeçari është dëmtuar dhe ndodhet në spital, jashtë rrezikut për jetën, ndërsa autori i dyshuar është shoqëruar në komisariat, për veprime të mëtejshme.
Ndërkohë grupi hetimor po punon për sqarimin e rrethanave të ngjarjes.
““Tiranë/Informacion paraprak
Më datë 15.09.2022, në orën 16:10, në rrugën “Kastriotët”, gjatë një konflikti për motive të dobëta, shtetasi B. I., 30 vjeç, ka goditur me mjet prerës shtetasin G. F., 23 vjeç. Si pasojë 23-vjeçari është dëmtuar dhe ndodhet në spital, jashtë rrezikut për jetën, ndërsa autori i dyshuar është shoqëruar në komisariat, për veprime të mëtejshme. Grupi hetimor po punon për sqarimin e rrethanave të ngjarjes”, thuhet në njoftimin e policisë së shtetit.
Kujtojmë që para disa javësh, kryeqyteti është tronditur nga një vrasje e dyfishtë në rrugën “Islam Alla” pranë rrugës së Kavajës.
Ngjarja e rëndë ndodhi në ambientet e agjencisë së udhëtimit që viktimat kishin në pronësi. Vrasja ka ardhur për konflikte pronësie që vëllezërit kishin me njëri-tjetrin.
Viktimat janë identifikuar si Dritan Muskurti dhe Nora Muskurti, ndërsa autori i krimit të 2-fishtë është Arsen Muskurti i cili njihet dhe me emrin Hamza Kastrati. Policia informon se dyshohet se si pasojë e një konflikti familjar, shtetasi Arsen Muskurti ka qëlluar me armë zjarri drejt vëllait të tij shtetasit Dritan Muskurti, 44 vjeç dhe bashkëshortes së tij Nora Muskurti të cilët si pasojë kanë ndërruar jetë.
