Pak javë pas hapjes së lokaleve pas karantinës, në ish-Bllok ka ndodhur një sherr i madh mes disa të rinjve që kanë përdour karrige e gota për të goditur njëri-tjetrin.
Siç duket edhe nga pamjet e mëposhtme, disa të rinj janë përplasur me njëri-tjetrin në një lokal të njohur në një nga zonat më të frekuentuara të Tiranës.
Pamjet janë regjistruar nga lokali përballë por duken qartë karriget dhe tavolinat që “fluturojnë” mbi kokat e të përfshirëve në përleshje.
Ende nuk ka detaje se cilët janë personat e përfshirë në sherr dhe cili ka qënë motivi i përplasjes, megjithatë ngjarja ka shkaktuar panik tek klientët e tjerë të lokalit, edhe pse deri më tani nuk është raportuar për të lënduar.
