Ekzekutohet me armë zjarri Pjerin Xhuvani! Ka mbetur i plagosur edhe një efektiv policie. Ngjarja ka ndodhur vetëm pak minuta më parë, në mes të qytetit të Elbasanit. Fillimisht, u raportua se kandidati i Partisë Demokratike, Gazmend Bardhi, ka ndaluar një automjet që shpërndante para për të blerë vota, ndërsa dëshmitarët kanë raportuar se kanë dëgjuar mbi 20-të shtëna.
Policia dhe grupi hetimor kanë mbërritur në vendin e ngjarjes, dhe kanë nisur nga puna për zbardhjen e plotë të ngjarjes. Emri i Xhuvanit u përmend më 14 mars, mes personave të akuzuar nga Partia Demokratike se ishte pjesë e grupit që po shoqëronte kryeministrin Edi Rama në Elbasan.
PRECEDENTI
Më datë 14 mars, militantët e Partisë Demokratike provokuan një sherr në qytetin e Elbasanit duke u prishur qytetarëve festën e Ditës së Verës. Pas kaosit të krijuar, LSI ka gjetur fajtorin e ngjarjes së ndodhur. Udhëheqësi politik i Partisë Demokratike në Qarkun e Elbasanit ka publikuar një video në llogarinë e tij në ‘Facebook’ ku akuzon se shkaktari i kësaj përleshje është edhe Pjerin Xhuvani, i cili shihet në foton e mëposhtëme nxjerrë nga video-ja e publikuar nga Gazmend Bardhi i PD. Pjerin Xhuvani ka qenë ish kryetar i Lëvizjes Socialiste për Integrim në qytetin e Elbasanit në kohën që Ilir Meta drejtonte këtë subjekt politik.
