Teksa fushata elektorale për zgedhjet e 25 po shkon drejt fundit, situate nuk paraqitet aspak e qetë. Një plagosje me armë zjarri ka ndodhur në Kavajë në zyrën elektorale të PD në Tiranë. Me armë zjarri është plagosur i riu Bledar Okshtuni, 27 vjeç. Ai është plagosur në këmbë dhe është dërguar në spital jashtë rrezikut për jetën.
Ndërkohë, në vendngjarje ka mbërritur edhe kandidatja e PD për Kavajën e cila ka folur edhe në një lidhje live për Neës 24. Duma ka thënë se incidenti ka nodhur për arsye politike dhe se 3 personat e përfshirë në ngjarje janë me partinë socialiste. Ajo tha se kjo ndodhi sepse Rama është i frikësuar për humbjen, ndërsa të përfshirë kanë qenë edhe policë bashkiak.
“Sekretari i PD ne Kavajë, shtabi Nr. 4 dhe 5. Incidenti është me arsye politike. 3 personat e përfshire janë me Partinë Socialiste. Presim zotin Basha të vijë e të shoim si do reagojmë. Jam pranë të plagosurit, djalë i një familjeje pishtar të demokracisë. Nuk më lejohet te shkojë ne brendesi. Bledar Okshtuni është djali i plagosur. Është dërguar në spital, jashtë rrezikut për jetën. Ngjarje e rëndë sepse janë përfshirë policë bashkiake e njerëz që kanë marrë tendera në bashkinë e Kavajës. Ngjarja nodhi sepse Rama ka frikë që po humb sepse i ka dale jashte kontrollit cdo gje. Personat e përfshirë janë jane Ndricim Jonuzi, Markel shtylla, Dorjan Troklini dhe janë aktiviste të Partisë Socialiste”, tha Duma.
Njoftimi i Policisë:
Kavajë/Informacion paraprak
Plagosi me armë zjarri 27 vjeçarin, identifikohet dhe shpallet në kërkim autori i dyshuar.
Vijon krehja e zonës për kapjen e tij.
Sot rreth orës 19:00, në lagjen nr.4, në Kavajë, shtetasi N. J., dyshohet se si pasojë e një konflikti për motive të dobta, ka hyrë në ambientet e brendshme të një zyre elektorale të një subjekti politik dhe ka plagosur me armë zjarri pistoletë në këmbë shtetasin B. O., 27 vjeç, i cili ndodhet në spitalin e Durrësit, nën kujdesin e mjekëve.
Menjëherë forca të shumta Policie kanë shkuar në vendngjarje dhe vijon krehja e zonës si edhe janë ngritur pika kontrolli në hyrje -dalje të Qytetit për kapjen e autorit.
Grupi hetimor nën drejtimin e Prokurorisë vijon punën për zbardhjen e plotë të rrethanave të ngjarjes.
