Një aeroplan gjerman është gati për të marrë kundërshtarin kritik të Kremlinit, Alexei Navalny nga Siberia për në Berlin për trajtim, por mjekët thonë se ai nuk mund të lëvizë.
Përkrahësit e Navalny, i cili ndodhet në gjendje kome që nga e enjtja në mëngjes pas një sulmi të dyshuar helmimi, akuzojnë autoritetet ruse se po përpiqeshin të parandalonin evakuimin e tij.
“Ndalimi i transportit të Navalny është i nevojshëm vetëm për të ngecur me kohë dhe të presë derisa helmi në trupin e tij të mos mund të dalë më”, tha zëdhënësja e udhëheqësit të opozitës Kira Yarmysh në Tëitter. “Për më tepër, çdo orë vonesë krijon një kërcënim kritik për jetën e tij”.
Fondacioni për Paqen me qendër në Berlin tha se një aeroplan ishte larguar gjatë natës për të transferuar Navalny në kryeqytetin gjerman për trajtim. Aktivistët e fondacionit kishin kërkuar më parë që anëtari i Pussy Riot, Pyotr Verzilov të trajtohej në Berlin pasi ai raportohej se ishte helmuar në vitin 2018.
Mediat gjermane raportojnë se aeroplani ka zbritur në Omsk të Siberisë të premten në mëngjes.
Më herët të enjten, Kancelarja gjermane Angela Merkel dhe Presidenti Francez Emmanuel Macron kishin thënë se ishin të gatshëm të ofronin ndihmë mjekësore dhe azil për Navalny.
“Ne do t’i jepnim të gjithë ndihmën për sa i përket shëndetit, përfshirë në spitalet gjermane, nëse kjo kërkohet”, tha Angela Merkel në një konferencë për shtyp të enjten.
