Një plagosje me thikë për konflikt pronësie ka ndodhur në qytetin e Korçës. Ngjarja ka ndodhur në Malin e Moravës, teksa autori është kapur dhe shoqëruar menjëherë në rajonin e Policisë. I plagosuri ndërkohë, u transportua për mjekim në spitalin rajonal. Grupi hetimor po punon për të zbardhur plotësisht ngjarjen e ndodhur sot në mesditë në Korçë.
Autori është identifikuar me inicialet A. R dhe dyshohet se ka dëmtuar me mjet prerës shtetasin me iniciale S.M. Si autori, ashtu dhe i lënduari, jetojnë në qytetin e Korçës. Grupi hetimor po vijon punën për të zbardhur ngjarjen.
Njoftimi i Policisë:
Korçë – Informacion paraprak/ Plagosi me mjet të mprehtë 1 shtetas, kapet dhe shoqërohet nga Policia, autori i dyshuar i ngjarjes.
Më datë 23.08.2021, rreth orës 12:15, jemi njoftuar se në afërsi të një resorti në Malin Moravë, Korçë, gjatë një konflikti për motive pronësie shtetasi A. R., dyshohet se ka dëmtuar me mjet prerës shtetasin S. M., banues në Korçë, i cili u transportua për mjekim në Spitalin e Korçës.
Shërbimet e policisë, shkuan menjëherë në vendngjarje dhe bënë të mundur kapjen e autorit të dyshuar dhe shoqërimin e tij në ambientet e Komisariatit për veprime të mëtejshme. Grupi hetimor po punon për të zbardhur rrethanat e ngjarjes”, shkruhej në njoftim.
