Vlora është tornditur sërish nga një tjetër ngjarje e rëndë ditën e sotme, ku një person ka mbetur i plagosur me thikë. Mësohet se ngjarja ka ndodhur rreth orës 18:40 në lagjen “Pavarësia” të qytetit bregdetar. Dyshimet paraprake janë se pas një konflikti të çastit, është goditur me mjet prerës Klodian Toska, 42 vjeç. Sherri ka nisur fillimisht në ambientet e një lokali dhe më pas ka përfunduar me plagosjen e 42-vjeçarit.Mësohet se Toska ka marrë plagë në shpatull dhe është dërguar në spital dhe ndodhet nën kujdesin e mjekëve jashtë rrezikut për jetën.
Policia njofton se autori i dyshuar është shtetasi F.Sh. dhe se është në ndjekje të tij. Aktualisht grupi hetimor ndodhet në vendin e ngjarjes dhe është duke punuar për të zbardhur rrethanat e plagosjes.
Njoftimi i policisë
Vlorë/ Informacion paraprak
Sot, rreth orës 18:40, në lagjen “Pavarsia”, Vlorë, dyshohet se pas një konflikti të çastit, është goditur me mjet prerës (thikë), shtetasi K. T., rreth 40 vjeç, i cili është dërguar në spital nën kujdesin e mjekëve, jashtë rrezikut për jetën.
Autori i ngjarjes dyshohet se është shtetasi F. Sh, dhe shërbimet e Policisë janë vënë në ndjekje të tij. Grupi hetimor ndodhet në vendngjarje dhe po punon për zbardhjen e ngjarjes.
