Një konflikt me armë zjarri ka ndodhur në një lokal të natës në Tiranë ku ka mbetur i plagosur 39-vjeçari Shpëtim Metoli.
Paraprakisht dyshohet se shkaku i konfliktit ishte një vajzë.
Ndërkohë që ka ardhur një reagim nga reperi i njohur ‘Don Phenom’, i cili mësohet se ka përformuar në lokalin e natës ku ndodhi ngjarja. Me anë të rrjeteve sociale, reperi i njohur ka komunikuar në rrjete sociale me fansat e tij, ndërsa ka bërë me dije se është njoftuar për ngjarjen e ndodhur nga mediat dhe se sherri ka ndodhur pasi ai kishte mbyllur performancën e tij.
“Nuk e di çfarë është folur apo shkruar. Nuk e di çfarë ka ndodhur në koncert, nuk e kam idenë,. Unë jam mirë, pasi kam kryer koncertin unë kam ikur në shtëpi. Unë jam mirë”, është shprehur reperi i njohur ‘Don Phenom’.
Kujtojmë që 39-vjeçari është plagosur me persona të tjerë në një lokal në afërsi të rrethrrotullimit të Saukut. Policia e Tiranës bën me dije se 39-vjeçari Shpëtim Metoli, ka shkuar në spital në këmbë , ndërsa aktualisht është jashtë rrezikut për jetën.
Theksojmë se deri më tani në polici janë shoqëruar 12 persona për t’u pyetur lidhur me ngjarjen, ndërsa vijon puna për zbardhjen e plotë të ngjarjes.
