Dje në Shkodër, rreth orës 16:00, ndodhi një ngjarje e rëndë në lagjen “Salo Halili”. Jaser Osmani, 24 vjeç, u plagos me armë zjarri në këmbë gjatë një konflikti të shpejtë. Ai u dërgua menjëherë në spitalin rajonal dhe aktualisht është jashtë rrezikut për jetën. Policia shkoi në vendngjarje dhe filluan kërkimet për të kapur autorin.
Personi i dyshuar për plagosjen është identifikuar si Gentian Mithi, 46 vjeç, banues në Shkodër. Konflikti mes tyre dyshohet se filloi në qendër të qytetit për një debat rreth përparësisë së kalimit në rrugë. Ngjarja kulmoi kur Mithi, pas një debati të ashpër, plagosi Osmanin me pistoletë pranë shtëpisë së tij dhe më pas u largua nga vendi i ngjarjes. Policia vijon hetimet për të gjetur dhe arrestuar autorin e dyshuar.
