Janë identifikuar dhe shpallur në kërkim autorët e plagosjes së 19-vjeçarit Reginaldo Kaçorri. Autorët e dyshuar të ngjarjes janë vëllezërit Aldo dhe Klajdi Kodra. Policia njofton se falë veprimeve të shpejta profesionale të grupit hetimor, u bë i mundur identifikimi i autorëve. Ngjarja ndodhi pas një konflikti të çastit, ndërsa i riu Reginaldo Kaçorri ndodhet në spital nën kujdesin e mjekëve dhe është jashtë rrezikut për jetën.
Njoftimi i policisë:
Identifikohen dhe shpallen në kërkim dy vëllezër, të dyshuar si autorë të plagosjes me armë zjarri të 19-vjeçarit R. K.Në vijim të informacionit të dhënë më parë për plagosjen me armë zjarri të shtetasit R. K., ndodhur rreth orës 15:45, në rrugën “Liman Kaba”, në afërsi të një lokali, ju informojmë se:Falë veprimeve të shpejta dhe profesionale hetimore të kryera nga grupi hetimor u bë i mundur identifikimi i autorëve të dyshuar të ngjarjes dhe shpallja në kërkim e tyre.Dyshohet se shtetasi Aldo Kodra , në bashkëpunim me vëllanë e tij shtetasin Klajdi Kodra, gjatë një konflikti të çastit kanë qëlluar me armë zjarri 19-vjeçarin R. K.Grupi hetimor vijon punën për zbardhjen e plotë të rrethanave të ngjarjes.Shërbimet e policisë po ushtrojnë kontrolle dhe po krehin zonën për të bërë të mundur kapjen e autorëve.
