Policia ka dalë me një njoftim zyrtar për plagosjen e dy vëllezërve gjatë mbërmjes së sotme në Shkodër. Ngjarja ndodhi në fshatin Bardhaj rreth orës 19:45, ndërsa të plagosur kanë mbetur dy vëllezërit Marjan dhe Hot Doçi, respektivisht 23 dhe 30 vjeç të cilët ndodhen në spital dhe jane jashtë rrezikut për jetën. Në vendngjarje kanë shkuar forcat e policisë së Shkodërs ndërsa forcat Shqiponja dhe FNSH kanë rrethuar zonën për të bërë të mundur kapjen e autorit.
NJOFTIMI NGA POLICIA E SHTETIT
Shkodër/informacion paraprak
Rreth orës 19.45, në fshatin Bardhaj, në rrethana ende të paqarta janë plagosur me armë zjarri dy vëllezërit M.D., 23 vjeç dhe H.D., 30 vjeç, të cilët janë transportuar në spital për ndihmë mjeksore, jashtë rrezikut për jetën.
Menjëherë në vendngjarje kanë shkuar shërbimet e Komisariatit të Policisë Shkodër, forcat Shqiponja dhe ato të Sektorit Kundër Krimeve ndaj Personit në DVP Shkodër.
Në ndihmë të Policisë Vendore kanë shkuar edhe grupe të FNSH Shkodër , me qëllim rrethimin e zonës dhe krehjen e saj për të bërë të mundur kapjen e autorëve.
Grupi hetimor nën drejtimin e Prokurorisë së Rrethit Gjyqësor Shkodër po vijon veprimet për sekuestrimin e çdo prove që do ti shërbejë zbardhjes së ngjarjes, identifikimit dhe kapjes së autorëve.
