Policia e Shkodrës ka arritur që të identifikojë në kohë rekord autorin e plagosjes me armë zjarri së 38-vjeçarit Tonin Larushku, pak më parë në Shkodër.
Mësohet se ai është qëlluar me një plumb në bark pas një konflikti të çastit dhe fatmirësisht ndodhet në gjendje të stabilizuar në spital.
Pas veprimeve të grupit hetimor, është identifikuar shtetasi Luverdo Kola si autorin e plagosjes së ndodhur pak më parë në zonën e quajtur ‘Prek Cali’.
Shërbimet e Policisë në bashkëpunim me Forcat e Ndërhyrjes së Shpejtë (FNSH), po bëjnë ndërkohë krehjen e zonës për të kapur 29-vjeçarin, autorin e ngjarjes.
Ndërkohë që në komisariat është shoqëruar edhe një dëshmitar okular, i cili kishte dijeni për ngjarjen e ndodhur.
Njoftimi i Policisë:
Shkodër
Policia identifikon autorin e plagosjes së ndodhur pak minuta më parë dhe vijon krehja e zonës për kapjen e tij.
Në zonën e quajtur Prek Cali, të qytetit të Shkodrës, shtetasi T.L, 38 vjeç, nga fshati Toplanë, Vau i Dejës, si pasojë e një konflikti të çastit me një person tjetër ka mbetur i plagosur me armë zjarri dhe ndodhet në spital për ndihmë mjeksore
Me marrjen e njoftimit, shërbimet e DVP dhe të Komisariatit të Policisë Shkodër kanë shkuar menjëherë në vendngjarje dhe falë veprimeve të shpejta profesionale kanë bërë të mundur identifikimin e autorit të dyshuar, shtetasin L.K, 29 vjeç banues në Shkodër.
Shërbimet e Policisë në bashkëpunim me FNSH kanë rrethuar zonën dhe vijon krehja e saj për kapjen e autorit.
Në atë zonë është kapur dhe shoqëruar një person që dyshohet se ka djeni për ngjarjen .
Grupi hetimor nën drejtimin e Prokurorisë së Rrethit Gjyqësor Shkodër po vijon punën për zbardhjen e rrethanave të ngjarjes dhe sigurimin e çdo prove materiale në vendngjarje që do t’i shërbejë hetimit dhe dokumentimit të plotë ligjor të ngjarjes.
