Policia e Vlorë ka dhënë njoftimin paraprak në lidhje me plagosjen e 36-vjeçarit Diego Hanaj mbrëmjen e sotme në qytetin bregdetar. Hanaj rezulton i plagosur në dorë dhe ngjarja ka ndodhur para pallatit ku ai banonte në Lagjen “Pavarësia”. Aktualisht, po punohet për kapjen e autorëve.
Në lagjen “Pavarësia”, para pallatit te tij, dyshohet se është plagosur në dorë, me armë zjarri shtetasi D. H, 36 vjeç, i cili ndodhet jashtë rrezikut për jetën në Spitalin e Vlorës.
Shërbimet e Policisë po krehin zonën për të bëre të mundur kapjen e autorit. Ndërkohe grupi hetimor ndodhet në vendngjarje dhe po punon per sqarimin e rrethanave të ngjarjes.
Diego Hanaj u godit 3 herë nga një automje “Range Rover” në lagjen “Pavarësia”.
Kujtojmë se 4 gëzhoja janë gjetur në vendin e ngjarjes ku u plagos 36-vjeçari Diego Hanaj në lagjen “Pavarësia” të qytetit të Vlorës. Ai ka qenë duke ecur në këmbë në momentin kur nga një automjet tip “Range Rover” është qëlluar 4 herë para një supermarketi poshtë pallatit ku ai banonte. Njëra prej plumbave e ka goditur në dorë. Hanaj ka nxituar për të kërkuar ndihmë duke ecur dhe 18 metra të tjerë.
Atentatorët u larguan menjëherë nga vendngjarja me shpejtësi, ndërsa i plagosuri u drejtua vetë drejt Spitalit të Vlorës për t’u mjekuar. Deri tani, nuk ka asnjë të dhënë në lidhje me pistat e mundshme të hetimit dhe personave që e goditën. Hanaj nuk rezulton të ketë precedentë penal.
