Dhjetorin e vitit të kaluar ndodhi një plagosje me armë brenda një hoteli në autostradën Durrës-Tiranë, ku në dhomë ishin tre djem dhe një vajzë transgjinore. Policia e Shtetit vendosi në pranga 26-vjeçarin Markelian Beqiri, i cili akuzohet se ka tentuar të vrasë në muajin dhjetor me armë zjarri Arni Sulejmanin.
Ky i fundit mbeti i plagosur nga të shtënat me armë, ndërsa autori u largua nga vendi i ngjarjes. Ndërkohë që ndaj Beqirit, Gjykata kishte dhënë masën e sigurisë ‘arrest me burg’, ndërsa kapja e tij u realizua në kuadër të operacionit të koduar ‘Linza’, ku policia e ka arrestuar atë teksa udhëtonte me një automjet në segmentin rrugor Linzë – Surrel. Beqiri akuzohet për disa vepra penale: “Vrasja me dashje” mbetur në tentativë, “Moskallëzimi i krimit”, “Veprime që pengojnë zbulimin e së vërtetës” dhe “Armëmbajtja pa leje”.
Ndërkohë në dëshminë e tij, Markeljan Beqiri i cili plagosi në një dhomë hoteli mikun e tij Arni Sulejmani. 26-vjeçari nga Durrësi ka deklaruar se nuk ka dashur ta vrasë shokun e tij, por për shkak se kishin konsumuar alkool dhe lëndë narkotike ka qenë i pavetëdijshëm për atë që ka bërë.
Markeljan Beqiri:
Nuk kam dashur ta vras Arni Sulejmanin. Unë e kam shok atë. Me 9 dhjetor kemi qenë me një mikeshën tonë në hotel ku konsumuam shumë alkool dhe lëndë narkotike. Isha i pavetëdijshëm kur arma qëlloi dhe e plagosi ne krah Arnin. Pas ngjarjes u largova nga frika. Sot isha nisur për te ikur ne Dajt për qejf.
