Orges Xhelili, autori i plagosjes me thikë të kryebashkiakut të Divjakës dhe shoferit të tij është lënë në burg këtë të martë nga Gjykata e Lushnjës.
Ndërkohë që avokatët Ndue Reci dhe Ndue Pjetra kërkuan fillimisht një afat dy mujor hetimi për të sqaruar rrethanat e ngjarjes.
Njëri prej avokatëve tha se policia bashkiake ka vepruar arbitrarisht dhe se kryetari i bashkisë vepronte si bajraktar. Po ashtu nga mbrojtësit u tha se klienti i tyre ka pasur edhe plagë në trup pasi është goditur nga punonjësit e policisë që “forcërisht kanë dashur ta shoqërojnë.
“Nuk ka motive për shkak të detyrës. Bëhet fjalë për inate dhe muhabete të zhargonit të përditëshëm, që dukshëm në qytetin e Divjakës qarkullojnë në mënyrë të përgjithshme. Nga ana e SPAK po hetohet një rast i tenderave publik siç dihet përbotshëm në qytetin e Divjakës. Është thirrur si person që ka pasur dijeni për rastin.
Nëse do të kishte pasur inate për largim nga puna, kjo nuk është kompetencë e kryebashkiakëve. Të gjitha tentativat për ta lidhur ngjarjen me detyrën, për punësimin e tij ose, kjo nuk qendron.. Është goditur nga punonjësit e policisë që kanë kapur forcërisht dhe kanë dashur ta shoqërojnë” , deklaroi për mediat njëri prej tyre.
