31-vjeçari Amarildo Kamberi (Kuçi) është arrestuar pasi plagosi fqinjin e tij me armë zjarri në rrugën “Haki Shehu”. Njoftimi i policisë tregon se gjatë konfliktit me Xhevahir Kolaverin, i plagosi duke përdorur një pistoletë e dyshuar. Sekuestruan armën dhe municionin e përdorur, duke e kaluar çështjen tek Prokuroria për hetim të mëtejshëm.
NJOFTIMI I POLICISE
Sekuestrohet arma e zjarrit pistoletë e dyshuar e përdorur për plagosjen dhe sasi municioni luftarak. Specialistët e Seksionit për Hetimin e Krimeve Ndaj Personit në DVP Tiranë ndaluan shtetasin A. K.(K)., 31 vjeç, banues në Tiranë.
Ky shtetas, më datë 17.02.2024, rreth orës 17:35, në rrugën “Haki Shehu”, Tiranë, është konfliktuar për motive të dobëta, me fqinjin e tij, shtetasin Xh. K., dhe gjatë konfliktit e ka qëlluar atë me armë zjarri.
Si pasojë shtetasi Xh. K. është dëmtuar. Aktualisht ndodhet jashtë rrezikut për jetën. Në cilësinë e provës materiale u sekuestrua arma e zjarrit pistoletë, e dyshuar e përdorur gjatë ngjarjes, dhe sasi municioni luftarak. Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjthshëm Tiranë, për veprime të mëtejshme.